Etiqueta: python

Preguntas aleatorias para Moodle

A finais de marzo, cando comezou o confinamento, asistín a unha pequena charla de Julio Mulero (@juliomulero) onde explicaba como crear cuestionarios aleatorios de Moodle usando a linguaxe de programación R e o paquete exams. Podedes ver aquí o artigo que publicou no seu blogue co vídeo e a presentación da charla.

Non coñezo R demasiado en profundidade e o que Julio explicaba (centrado en facer preguntas sobre estatística) non se axustaba demasiado o que estaba traballando eu na aula – eu estaba cos temas de álxebra. Porén, pareceume realmente potente a idea de facer un xerador de preguntas aleatorio, así que púxenme mans a obra.

Continúe lendo Preguntas aleatorias para Moodle

Adestrando Serpes

O último xoves Santi (@ssice) e máis eu estivemos dando unha charla na FIC sobre Python que entitulamos “Python. Adestrando Serpes”. Aquí podedes ver unha foto que sacou Castro (@castrinho18) na que se nos pode ver a punto de comezar a falar.

foto charla gpul

A charla estaba enmarcada dentro das XII Xornadas Libres que organiza o GPUL. O GPUL (Grupo de Programadores e Usuarios de Linux) é unha asociación universitaria que promociona o uso do software libre a través de eventos como este no que puidemos participar. Outro dos eventos que organizou e que foi o de maior magnitude ata o momento foi a GUADEC que se celebrou a principios do último mes de agosto.

Na charla falamos sobre Python e explicamos tanto cousas básicas (tipos de datos, estructuras de control, etc.) como aspectos máis avanzados da linguaxe (xeradores, características funcionais, etc.). As transparencias que usamos podense obter a través de GitHub.